පලායමි මම....

පලායමි මම....

මගේ දුක අසන්නට කෙනෙකු නැති හැටි...

ලඟින් උන් හැම දමා ගොස් අද....

තනිවෙලා කඳුළැල් අතර මම....

විඳිනවා දුක් පෙර නොවිඳි ලෙස...

නිමා කෙරුමට විඳින මේ දුක....

පලායන්නට සිතෙයි දුරකට....

යලි නොඑන්නට කිසිදු දිනයක....

ඈ දන්නෙ නෑ...

ඈ දන්නෙ නෑ....

ඇගේ නෙතුපියන් අද්දර

මගේ හිත නතරව

ඈ සමග
ඇසිපිය හෙලනා වග
ඈ දන්නෙ නෑ....



ලතාවට නැලවෙන
ඇගේ මුදු වරලස
දෑස් මගෙ
පිනනා බව
ඈ දන්නෙ නෑ....



දසන් පා හිනැහෙන
ඇගෙ සුසිනිඳු මුව ලඟ
මගේ දෑස් හොරෙන්
නවතිනා වග
ඈ දන්නේ නෑ....


විටින් විට නැටවෙන
නිල් නයන යුග්මය
මගේ හදවත ගැස්ම
                                                                                  වැඩි කරවනා වග
                                                                                  ඈ දන්නෙ නෑ....




රෝස පාටින් දිලෙන
ඇගේ මුදු තොල්පට
චුම්භනය කෙරුමට
සිත ඉල්ලනා වග
ඈ දන්නේ නෑ....



ආදරය උතුරන
දඟපාන ඇය ලඟ
මගේ දිවි නතරව
ඈ ඉල්ලනා බව
ඈ දන්නෙ නෑ....


=========================================================
ප.ලි. : සමහරවිට මේ දේවල් එයා කවමදාවත් දැනගන්න එකකුත් නෑ.....
=========================================================

මැරෙයි මම....

නෙක පාට සිහින මට මවාදී

ඇය ගියා මා දමා ඉගිල්ලී

දුකද මට?

දන්නේ නෑ!

ඇඬුවා ද?

කියන් නෑ!

හිත හිතා

ඇය ගැනම

මැරෙයි

මම

අද හෙටම.....

පිපාසය ..

පිපාසය ..

සංසිදුවාලන්නම් මා නුඹව ,

මගේම ඛේටයෙන්,

ලදොත් විනා නොබොන්නෙමි ,

දිය උගුරක්‌ පවසට,

නොසංසිදෙන දිය ඌලකින් මිස....

- මගේ මිතුරියක විසින් රචනා කරන ලද , ආදරය හා ජීවිතය ගැන සිතන්නට යමක් ඇති නිදහස් පද ගැලපුමක් -

සයුරට ලියමි..

සයුරට ලියමි....

හඬන නුඹ ලඟට,

දුවන් ඇවිත්,

නුඹව සිප වැළඳ ගන්නට ,

දුක බෙදා ගන්නට ,

ආසයි .....

ඒ නිසා ,

මං එනකං බලාන ඉන්න.....

අද සවස් යාමේ,

මං එනවා ,

හඬන සිත නිවා ගන්න ,

නුඹට තුරුල් වෙන්න.....

ඇය....

~~ ඇය.... ~~

නාඳුනන්නෙකු විසින්,

නිරුවත්කොට,

දූෂණය කල,

මට අයිතිව තිබූ,

නිකලැල් ආත්මය....

කඳුල.....

ලොවට පෙනෙන්නට,

එබිකම් කෙරුමට,

දෑස් තුල නලියන,

දුක , සතුට ගුලි වෙච්ච,

අහිංසක සිතුවිල්ල....

හිනාවෙන්න මතක නෑ..

 හිනා නොවුනු දෑස් වලට

හිනා වෙන හැටි 

කියාදෙන්න ලං වුණා..

හිනා වෙන්න ඉගැන්නුවා..

 

ඒ ඇස් හිනාවට වඩා දෙයක්

මගෙන් ඉල්ලුවා

මම උත්සාහ කලා

ඒත් මම අසාර්ථකයි...

 අන්තිමට

හිනාවෙවී උන්නු

මගේ ඇස් දෙකටත්

හිනා වෙන්න මතක නැතිවෙලා ....

මට ආපහු හිනාවෙන්න
උගන්නන්න....
එන්න මං ගාවට...

ජීවිතේ හැටි...

අපේ ජීවිතේදි

අපිට සමහරු මුණගැහෙනවා...

එහෙම මුණගැහෙන සමහරු

ඉක්මනට වෙන්වෙනවා...

තවත් සමහරු දීර්ඝ කාලයක්

අපිත් එක්කම ඉන්නවා...

හේතු අහේතු මොනව වුණත්,

වෙන දේ බලාගෙන ඉන්න අපිට සිද්ධවෙනවා...

කවුරු අපිව දාලා ගියත්,

කවුරු අපි ගාව ඉතුරු වුණත්,

අපි බලං ඉන්නවා....

කවදහරි මේ දේවල් වෙනස් කරන්න හැදුවොත්?

අපිට ආපහු හදාගන්න බැරි තරම් ජීවිතේ වෙනස් වෙයි...

ඔව්..

කවුරුවත් නොහිතන විදියට ජීවිතේ වෙනස් වෙයි...

සමහරුන්ට ඒ වෙනස දරාගන්න පුලුවන් වෙයි,

ඒත් බහුතරයකට එහෙම බැරි වෙයි..

ඒ නිසයි අපි තාමත් බලං ඉන්නේ..

දෛවයට ඉඩ දීලා අපි හැමෝම බලං ඉන්නේ ඒ නිසයි...

මොකද මේ අපේ "ජීවිතේ හැටි" හින්දයි....

අමතකයි මට මාව...

ගොඩක් දවසක් බලන් හිටියා

මුකුත්ම නොලියා

බය හිතුනා

මට මං ගැනම

සැක කලා මම

අමතකද මට මාව??

සිතුනා නෙකවරක්

මැකීයයි මා

සදාතනිකව

කාලයේ වැලි තලාවෙන්...

කියන්නට යලි

මගේ හැඟුමන්

ගොතන්නට තව

කතා අහුරක්

ආවා යලිත්

සුපුරුදු සෙහනෙහසින්

ඒත්

අමතකයි මට මාව...

මතක් කරලා දෙනවාද මට මාව?

EVERYTHING...

 I was dreaming all the nights,

the way I would've loved if I had a girl.

I wished for an angel,

with dark blue eyes and a cute little face…..

I laughed at my self,

for dreaming like that.

Coz I knew that,

It’d never happen in my life………

But when I met you,

I was shocked.

As I felt my dream,

Is to be succeed……..

You’re the one,

Whom I always dreamt of,

Those blue eyes n cute little face……..

Oh!my baby,you made me crazy……..

I felt the warmth of your heart,

and I sensed the happiness………….

I learnt to live holding a will,

Simply by the things you taught…….

So my sweety,

don’t leave me anyday,

please be with me,

till the day I die,

coz my soul,life and my love,

all of them belong to you…….

Here I swear to love you and be with you,

till the day I leave this world,and even after…………..

simply because...

YOU ARE MY EVERYTHING !