ඉපදුනු කාටත් පොදු වූ උරුමය

   

සරම් බැනියම් ඇන්දත්,

ටයි කෝට් කලිසම් ඇන්දත්,

එන්න කිව්වාම

නොගිහිං ඉන්න බැරි තැනක්....

  පයිං ගියත්,

ප්‍රාඩෝ එකක ගියත්,

හැමෝම යන

එකම තැනක්....

පැල්පතක හිටියත්,

සුපිරි මැදුරක හිටියත්,

වෙලාව ආවාම

යන්නම වෙන තැනක්....

පානුයි පරප්පුයි කෑවත්,

හැම් බේකන් කෑවත්,

නොගිහින් බේරෙන්න

බැරි තැනක්...

ජීවත්වන ඔබත්,

ඒ වගේම මමත්,

කවදාකහරි

යන තැනක්...

 ඒ අන් තැනක් නොවෙයි!

ඔබේත් , මගේත්,ඉපදුනු අප කාගේත්

පොදු උරුමය වූ,

මරණ මංචකයයි.....

 

 අපි මැරෙන මිනිස්සු බව දැනගෙන ජීවත්වෙමු!